31 октябрьнең төп вакыйгалары - фото һәм сылтамалар

Алексей Песошин Россия һәм Татарстанның дәүләт бүләкләрен тапшырды, Татарстанда кар катламы ноябрь ахырында ятар дип көтелә.

Бүген Әлмәт театры 75 еллыгы белән котлаулар кабул итә / "Театр - мәдәниятебезнең таҗы. Əлмәт театры - шәһәрнең визит карточкасы", - диде Əлмәт районы башлыгы Тимур Нагуманов.

Туфан Имаметдиновның "Әллүки" спектакле "Алтын битлек" номинанты булды / Туфан Имаметдинов бу спектакльне 2018 ел ахырында Казанда тәкъдим иткән иде.

Алексей Песошин: Татарстанның үсеш нигезе – халыкларның бердәмлегендә / ТР Премьер-министры 61 кешегә Россия һәм Татарстанның дәүләт бүләкләрен тапшырды.

Əлмәт һәм Əтнә театрлары "Алтын битлек" премиясе лонг битенә керде / Лонг битенә "Тынлыкта гына урын бар" һәм "Фронтовичка" спектакльләре кергән.

Казанда Фуат Мансуров урамы барлыкка киләчәк / Татарстан башкаласының алты яңа урамына республиканың мәшһүр кешеләре исемнәре биреләчәк.

КФУ профессоры: Кар катламы барлыкка килүен ноябрь ахырында гына көтәргә кирәк / Юрий Переведенцев сүзләренчә, климатик шартлар кар катламының барлыкка килүенә мөмкинлек бирми.

“Сөю нуры” китабы иң күп сатып алына торган китапларың берсе булды / Дин белгече Языҗиоглу Әхмәд Биҗанның «Әнвәрүл-гашыйкыйн» хезмәте Россиядә беренче тапкыр тәрҗемә ителгән.

Татарстан Россия инновацион үсеш лидер-төбәкләре өчлегенә керде / «Югары икътисад мәктәбе» экспертлары фикеренчә, республикада инновацион эшчәнлекнең иң яхшы социаль-икътисади шартлары булдырылган.

Ата-аналарны балаларны каникулда караучысыз калдырмаска чакыралар / Россия Гидрометеоүзәге мәгълүматлары буенча, якын көннәрдә температураның кискен төшүе көтелә.

Сәләт Википедия мәктәбенең көзге сессиясе 18 ноябрьдә башлана / Википедия онлайн-энциклопедиянең уку-укыту сессиясендә катнашкан һәр кешегә таныклык тапшырылачак.

Татарстан бакчачыларын йөзем җимеше үстерү серләренә өйрәтәчәкләр / Безнең төбәк өчен гадәти булмаган бу культураны үстерү белән 40 ел шөгыльләнүче Александр Зверев тәҗрибә уртаклашачак.

Санкт-Петербургта медиафорумда татар басмаларын чыгару хакында сөйләштеләр / Татар медиафорумында «XXI гасыр басмасы нинди булырга тиеш?», «Социаль челтәрләрнең роле» кебек темаларга фикер алыштылар.