Татарстан халык артисты Сара Садыйкова каберенә чәчәкләр салыначак

Чара күренекле композиторның тууына 111 ел тулуга багышлана.

(Казан, 31 юктябрь, "Татар-информ"). 1 ноябрьдә Казанда Яңа Татар зиратында Татарстан халык артисты, Г.Тукай исемендәге Дәүләт премиясе лауреаты
Сара Садыйкова каберенә чәчәкләр салу тантанасы узачак. Чара күренекле композиторның тууына 111 ел тулуга багышлана, дип хәбәр итә Татарстан Мәдәният министрлыгы матбугат хезмәте. 

Чарада Казанның иҗади җәмәгатьчелеге вәкилләре һәм шәһәрлеләр катнашачак. Тантана 10.15 сәгатьтә башлана.