Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы ишегалларындагы балалар мәйданчыгына чүп савытлары куелды
Быел шәһәрнең 88 ишегалдында «Безнең ишегалды» республика программасы буенча төзекләндерү эшләре бара.
(Чаллы, 31 июль, «Татар-информ», «Шәһри Чаллы»). Быел Чаллының 88 ишегалдында «Безнең ишегалды» республика программасы буенча төзекләндерү эшләре бара. Шул ук вакытта шәһәрдә гап-гади уңайлыклар да тудырылмаган ишегаллары бар.
«Зяб бистәсенең 18/12 йорты каршындагы балалар мәйданчыгында чүп савытлары юк. Һәр көн мәйданчыкның буеннан буена комлыкларда чүп-чар ауный. Җыештыручы иртән җыеп ала, кичкә тагын шул хәл. Ничә еллар шулай. Быел да урнаштырмадылар», — дип хәбәр итте безгә газета укучысы Ләйлә Мирзаһитова.
Шәһәрдәшебезнең әлеге гозерен «Жилкомсервис» идарәсе җитәкчеләренә җиткердек.
«Кызганычка, мәйданчыкта ял итүчеләр чүп-чарларын юл аша гына урнашкан подъезд яны чүп савытларына илтеп атуны кирәк дип тапмый. Арасы берничә адым гына югыйсә. Шулай да искә алырбыз — безнең эш кешеләргә уңайлы яшәү мөмкинлекләре тудыру», — диде безгә идарә итү компаниясе генераль директорының үсеш буенча урынбасары Александр Шуралев.
18 комплексның ТОС җитәкчесе Мәрьям Мостафинага да мөрәҗәгать иттек.
«Чыннан да чүп савытлары юк. Мин ЖЭК җитәкчесе Раил Гатауллинга да шалтыраттым. Чүп савытлары шушы көннәрдә урнаштырылачак, дип җавап бирде ул.
Соңрак «Жилкомсервис» идарә итү компаниясеннән хәбәр итүләренчә, мәйданчыкка чүп савытлары урнаштырылган.
Кызыклы яңалыкларны күзәтеп бару өчен Телеграм-каналга язылыгыз