Җәмгыять 31 март 2020 12:47

Дәүләт Думасы коронавирус аркасында Россия Хөкүмәтенең вәкаләтләрен киңәйтте

Бер үк вакытта Министрлар Кабинетының билгеле бер медицина эшләнмәләре белән сату итүне 90 көнгә кадәр чикләү, бөлгенлек турында эшләр кузгатуга мораторий кертү хокукы билгеләнә.

Скопировать ссылку

(Казан, 31 март, «Татар-информ»). Дәүләт Думасы коронавирус аркасында Россия Хөкүмәтенең вәкаләтләрен киңәйтү һәм гадәттән тыш хәл режимы кертү хокукы турындагы закон проектын беренче укылышта кабул итте. Бу хакта ТАСС агентлыгы хәбәр итә.

Биредә пандемиягә бәйле рәвештә Хөкүмәткә өстәмә вәкаләтләр бирү хакындагы комплекслы закон проекты турында сүз бара. «РФ Хөкүмәтенә Россия Федерациясенең бөтен территориясендә яки бер өлешендә югары әзерлек яисә гадәттән тыш хәл режимнары кертү, шулай ук югары әзерлек яисә гадәттән тыш хәл режимнары керткән вакытта үтәлүе мәҗбүри булган кагыйдәләр билгеләү хокукын бирергә тәкъдим ителә», - диелә документка аңлатма язуында.

Туристик операторларның ярдәме күздә тотыла. Биредә шәхси җаваплылык фондларына взнослар күчерү вакытының үзгәрүе һәм илдә коронавирус таралу аркасында РФ Хөкүмәте карары буенча туристларга акчаларын кайтарып бирү өчен шундый фондлардан файдалану механизмы хакында сүз бара.

Татарстан Президенты Рөстәм Миңнеханов моңа кадәр республикада коронавирус инфекциясе таралуын кисәтү максатыннан үз-үзеңне изоляцияләү режимын керткән иде. Ул Россия территориясендә санитар-эпидемиологик вазгыять тотрыклы төс алганчыга кадәр гамәлдә булачак.

Сәхифәләр

Дәүләт Думасы коронавирус аркасында Россия Хөкүмәтенең вәкаләтләрен киңәйтте