Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай районында заманча роботлаштырылган ферма эшли
Савым буенча барлык процессларны робот башкара.
(Аксубай, 30 ноябрь, «Татар-информ», «Авыл таңнары»). Аксубай районында роботлаштырылган ферма эшли башлады, анда барлык процессларны автоматика контрольдә тота. Ильяс Сөләйманов Татарстан Республикасы Авыл хуҗалыгы һәм азык-төлек министрлыгының гаилә терлекчелек фермасын үстерү грантын отып, яңа корпус төзеде һәм аны иң заманча җиһазлар урнаштырды.
Роботлаштырылган ферма файдалануга тапшырылганнан бирле һәр сыердан көнлек савым 4-5 килограммга арткан.
Савым буенча барлык процессларны робот башкара. Эшнең ничек барганын хәтта күпне күргән кешегә дә күзәтү бик кызык. Савым көнгә өч тапкыр оештырылган. Малларны беркем дә кумый, алар үзләре килеп, мәйданчыкка баса, җиленне юу процессы башлана, ә аннары — савым. Сөт система буенча аккан арада, сыер тик кенә басып тора, соңыннан аның алдында ишек ачыла.
Җилләтү җайланмалары корпустан үзенчәлекле исне суырып ала. Бинада якты, сыерлар астына махсус аслык түшәлгән, шуңа күрә аларга мастит авыруы янамый.
Кызыклы яңалыкларны күзәтеп бару өчен Телеграм-каналга язылыгыз