Алабуга егетләре Алтай краена хезмәт итәргә китә

Көз Алабугадан сиксәннән артык егет Армия сафларына алыначак.

(Казан, 30 октябрь, «Татар-информ»). Алабуга районында көзге чакырылышта сиксәннән артык егет хәрби хезмәткә алына. Бу көннәрдә Алабуганың 16 егетен армиягә озатканнар. Бу турыда «Новая Кама» хәбәр итә.

Алабуга хәрби комиссары Николай Битюков сүзләренчә, октябрьдә барлыгы 28 егет хәрби хезмәткә чакырылган. 17 ноябрьдә чираттагы егетләр төркеме армиягә китәчәк. Чакырылыш кампаниясе Россия Кулланучы хокукларын яклау буенча күзәтчелек хезмәтенең Татарстан буенча идарәсе таләпләрен үтәп уза, диде хәрби комиссар.

Алабуга егетләре Мәскәү, Түбән Новгород, Смоленск өлкәсе һәм Алтай краенда хезмәт итәчәк.