Түбән Кама балалары өчен "Бигеш" аэропортына экскурсия оештырдылар

Балалар Як-40 самолетында пилот кабинасында утырып караганнар, хәтта бортта төшке аш та ашаганнар.

(Казан, 30 август, "Татар-информ"). Түбән Каманың 16 беренче сыйныф укучысы Лемаев исемендәге «Бигеш» аэропортында экскурсиядә булды. Экскурсияне Түбән Кама муниципаль район Советы профсоюзы оештырды. Бу турыда Түбән Кама муниципаль районы рәсми сайтында хәбәр ителә.

Балалар һава аланы буйлап йөргәннәр, Як-40 самолетында пилот кабинасында утырып караганнар, хәтта бортта төшке аш та ашаганнар.