Түбән Камада мөмкинлекләре чикләнгәннәр өчен спорт-күңел ачу бәйрәме үткәрелде

Традициягђә әверелгән әлеге чара инде 14 нче тапкыр оештырылды

(Казан, 30 июль, “Татар-информ”, Роза Исмәгыйлова). Бәйрәм “Батыр” физик культура һәм сәламәтләндерү комплексында узды. Быел ул инде 14 нче тапкыр рәттән уздырыла, дип хәбәр итә “Түбән Кама телерадиокомпаниясе”.
Бәйрәмгә җыелучылар берничә спорт төрендә көч сынаштылар. Шул исәптән коляскада утырып узышу, иҗат төркемнәренең музыкаль чыгышлары кебек бәйгеләр дә булды. Шулай ук бәйрәм барышында, “Мәктәпкә җыенырга ярдәм ит” акциясе кысаларында, мөмкинлеге чикләнгән 12 бала Түбән Кама мэры Айдар Метшин кулыннан канцелярия кирәк-яраклары тутырылган портфельләр алдылар.