Иртәгә Татарстанда томан төшәчәк

Синоптиклар һава шартларының начараюы турында кисәтә.

(Казан, 30 июнь, «Татар-информ»). 1 июльдә төнлә һәм иртән Татарстан территориясендә, шул исәптән Казанда да, урыны белән томан булачак. Бу хакта Татарстан Гидрометеорология үзәге кисәтә.

Элегрәк «Татар-информ» тиздән Татарстанга 30 градуслы эсселек киләчәк, дип хәбәр иткән иде.

Шул ук вакытта якын көннәрдә республика территориясендә чагыштырмача салкын һава торышы саклана.