Казанда Җиңү көнендә бәйрәм салюты вакыты билгеле

Бөек Ватан сугышында Җиңүнең 74 еллыгына багышланган фейерверкны "Казан Арена" стадионы каршында карау уңайлы булачак.

(Казан, 30 апрель, "Татар-информ"). Казанда 9 Май - Җиңү көнендәге чаралар бәйрәм салюты белән тәмамланачак. Ул кичке унда яңгыраячак. Бу турыда Казан мэриясендә эшлекле дүшәмбе вакытында билгеле булды.

Бөек Ватан сугышында Җиңүнең 74 еллыгына багышланган фейерверк 22.00 сәгатьтә була. Аны "Казан Арена" стадионы каршындагы мәйданда карау уңайлы булачак.

Яр Чаллыда бәйрәм салюты 1 сәгатькә алданрак - 21.00 сәгатьтә була.