Әгъзам Гобәйдуллин: Аэропортка Тукай исемен бирү - республиканың зур байлыгы

“Тукай – татар халкының абруен күтәрә, исемен мәңгеләштерә торган шәхес”, - ди ул.

(Казан, 22 ноябрь, “Татар-информ”, Гөлнар Гарифуллина). ТР муниципаль берәмлекләр советы рәисе Әгъзам Гобәйдуллин фикеренчә, аэропортка Габдулла Тукай исемен бирү республиканың зур байлыгы булачак. Бу хакта ул “Татар-информ” агентлыгы хәбәрчесенә әйтте.

“Тукай – татар халкының абруен күтәрә, исемен мәңгеләштерә торган шәхес. Тукай исеме татар халкы белән турыдан-туры бәйләнгән”, - диде.

Аэропорт исеменә тавыш бирүне 30 ноябрьгә кадәр берничә ысул белән эшләргә мөмкин:

1. ВеликиеИмена.рф сайтында. Моның өчен Вконтакте, Одноклассники сайтларындагы аккаунт яки мобиль телефон номеры аша авторизация үтеп, Татарстандагы бер аэропортка тавыш бирергә кирәк. Бер генә исемгә тавыш бирергә була.

2. «ВКонтакте» һәм «Одноклассники» социаль челтәре аша.

3. 8-800-707-93-17 номерына шалтыратып.

4. Очкыч бортында, аэропортлардагы пунктларда анкета тутырып.