Бастрыкин инвалид кызның әнисенә дәүләт биргән торакка бәйле хәлне тикшерергә кушты

Яшел Үзәндә яшәүче ялгыз ана кызына дәүләт биргән торакка риза түгел.

(Казан, 29 июль, «Татар-информ», Полина Шевчук). Гаммәви мәгълүмат чараларында Яшел Үзәндә яшәүче ялгыз ананың (ул ике инвалид бала тәрбияли) кызына дәүләт биргән торакка риза булмавы турында хәбәр дөнья күрде. Хатын-кыз сүзләренчә, аның кызы коляскада хәрәкәт итә, шәһәр хакимияте тәкъдим иткән вариантлар исә мондый инвалидлар өчен каралган таләпләргә туры килми.

Александр Бастрыкин Татарстан Республикасы буенча Тикшерү идарәсе җитәкчелегенә килеп туган вазгыятьнең хокукый аспектларын өйрәнергә һәм тикшерү органнарының процессуаль яктан бу эшкә катнашуы өчен тиешле нигез булу-булмавы турында хәбәр итәргә кушты.