Татарстан синоптиклары яшенле яңгыр, боз һәм эссе һава “вәгъдә итә”

Көндез Казанда 31 градуска кадәр эссе

 (Казан, 29 июнь, “Татар-информ”). Синоптиклар фаразлаганча, бүген Татарстанда алмашынучан болытлы һава була. Урыны белән кыска вакытлы, көндез тоташтан көчле яңгыр. Көндез аерым районнарда яшенле яңгыр, боз явар дип көтелә.

ТРда төнлә һава температурасы кимендә 16-21 градус булса, көндез, күп дигәндә, - 29-34 градус.

Казанда көндез эсселек 29-31 градуска кадәр җитәр, яшенле яңгыр булыр дип фаразлана. 30 июньгә каршы төндә явым-төшемнәр, яшенле яңгыр көтелә, һава температурасы 16-21 градус җылы була, диелә ТР гидрометеорология һәм әйләнә-тирәне күзәтү идарәсе матбугат хезмәте хәбәрендә.