Җәмгыять 29 май 2020 10:06

Татарстанда республика халыклары телләрен үстерүгә грант бирәчәкләр

Грантларга билгеләнгән тәртиптә теркәлгән һәм Татарстан территориясендә конкурс игълан ителгән көнгә кадәр бер елдан да кимрәк эшләмәүче иҗтимагый оешмалар дәгъва кыла ала.

Скопировать ссылку

(Казан, 29 май, «Татар-информ»). Татарстанда республика халыклары телләрен саклау һәм үстерүгә юнәлдерелгән иҗтимагый оешма инициативаларына ярдәм күрсәтү буенча грантларга дәгъва кылучылар арасында конкурс башланды. Бәйгене ТР Мәгариф һәм фән министрлыгы үткәрә, дип хәбәр итә ведомствоның матбугат хезмәте.

«2020 елда биш грантның һәркайсы 200 мең сум тәшкил итә», - дип искәрттеләр министрлыкта.

Бәйге «2014-2022 елларда Татарстан Республикасы дәүләт телләрен һәм Татарстан Республикасындагы башка телләрне саклау, өйрәнү һәм үстерү» дәүләт программасының бер өлеше булып тора.

Конкурста катнашу өчен документлар 27 майдан 5 июньгә кадәр түбәндәге адрес буенча кабул ителә: Казан шәһәре, Кремль урамы, 9 йорт, 225 бүлмә. Документларның сканердан чыгартылган вариантын Ruzal.Karimov@tatar.ru электрон почтасына җибәрергә кирәк.

Сәхифәләр

Татарстанда республика халыклары телләрен үстерүгә грант бирәчәкләр