Россия сыйфат хезмәте ит фаршын тикшерде

Нәтиҗәдә, Россиянең лаеклы сыйфат билгесенә бары тик бер марка гына туры килде.
(Казан, 29 май, «Татар-информ»). Россия сыйфат хезмәте ит фаршына тикшерү үткәрде. Кибеттән сатып алынган һәм үзлектән әзерләнгән фарш тикшерелгән. Нәтиҗәдә, Россия Сыйфат билгесенә бары бер сәүдә маркасы гына лаеклы дип табылган. Бу хакта РИА Новости хәбәр итә.«Тикшеренү өчен сайлап алынган барлык фарш 68 сыйфат һәм куркынычсызлык күрсәткечләре буенча сынау узды. Экспертлар фаршта авыр металл, радионуклидлар, антибиотик фосфатлары, гомуми аксым һәм майның масса өлешен тикшерделәр, шулай ук фаршының тышкы кыяфәтен һәм исен, аның консистенцииясен һәм ваклану дәрәҗәсен бәяләделәр. Тикшерү нәтиҗәләре буенча «Өй» («Домашний») фаршы гына Россия сыйфат билгесенә дәгъва итә ала», — дип билгеләп үтте Роскачествода.Тикшеренү өчен 17 иң популяр сәүдә маркасы продукциясе сайланган. Әзер фаршның бер килограммы 200 сумнан 430 сумга кадәр. Үзлектән әзерләнгән фаршта дуңгыз ите 30 процент һәм сыер ите 70 процентны тәшкил итә.Тикшерелүче үрнәкләрдә экспертлар пестицидлар, авыр металлар һәм радионуклидлар, шулай ук фосфорның да рөхсәт ителгән микъдарыннан артып китүен тапмаган.Әмма продукциянең яңа әзерләнгәне (свежий) бары сигез сәүдә маркасында гына табылган. Күпчелек үрнәкләрнең тәм сыйфатлары канәгатьләнерлек булган. Берничә сәүдә маркасында май һәм тоташтыргыч тукыма күп булуы теркәлгән. Продуктның фактик һәм игълан ителгән авырлыгы бер үрнәктә генә туры килми. Майның масса өлеше маркировкада күрсәтелгән фактик күрсәткечтән 17дән дүрт очракта, ә аксымның масса өлеше ике очракта туры килмәгән.Россия сыйфат билгесе шулай ук үзлектән әзерләнгән продуктның мөһим өстенлеге бар, дип билгеләп үтә: аннан ризык, кагыйдә буларак, шунда ук әзерләнә. Ә транспортировкасы, сату, әзер фаршны кибеттән өйгә кадәр алып кайту температура шартларын игътибарлы рәвештә үтәүне таләп итә.