Казан үзәгендә җитди юл -транспорт һәлакәте булды

"Внедорожник" - “Хенде” машинасы белән бәрелешкән, машиналар икесе дә зур зыян күргән.

(Казан, 29 апрель, “Татар-информ”). Социаль челтәрләрдә Казан уртасында булган коточкыч юл һәлакәтенең видеоязмасы пәйда булды.

Вахитов районының Чернышевский һәм Мәскәү урамнары чатында "внедорожник" югары тизлектә “Хенде” җиңел машинасы белән бәрелешкән. Бәрелү көче зур булганлыктан, машиналар юл читендәге тимер койманы кубарган. Машиналарның икесе дә җитди зыян күргән.