Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан авылларында алкоголь сата торган кибетләр ачылачак
Хакимият легаль алкоголь сатыла торган кибетләр ярдәмендә контрафакт продукциягә каршы көрәшәчәк.
(Казан, 29 гыйнвар, «Татар-информ», Александр Елисеев). ТР Дәүләт алкоголь инспекциясе башлыгы Җәүдәт Әхмәтханов ведомство коллегиясенең йомгаклау утырышында билгеләп үткәнчә, Татарстан авылларында алкоголь сата торган кибетләр ачарга җыеналар.
Татарстан территориясендә 1 160 торак пункт исәпләнә. Халык саны 100 кешедән артып киткән 191 торак пунктта стационар сәүдә объектлары юк. Шулай ук халкы 100 кешедән арткан тагын 517 торак пунктта да алкоголь сату нокталарын таба алмыйсың.
Җәүдәт Әхмәтханов сүзләренчә, «әлбәттә, „күләгәдә эш итүчеләр“ моннан үз максатларында файдалана». Шунлыктан Сәнәгать һәм сәүдә министрлыгы, Татарстан кулланучылар берлеге һәм муниципаль берәмлек җитәкчеләре белән берлектә мондый авылларда кибет ачу бурычын куяйган.
«Бу район кулланучылар җәмгыяте системасындагы модульле павильоннар да, инде әзер стационар сәүдә объектлары да һәм яңа төзелгән корылмалар да булырга мөмкин», — диде ведомство башлыгы.
ТР Дәүләт алкоголь инспекциясе Татарстанның башка төбәкләр белән чиктәш районнары территориясендәге сәүдә нокталарын алкоголь белән тәэмин итүгә аерым игътибар бирә.
Кызыклы яңалыкларны күзәтеп бару өчен Телеграм-каналга язылыгыз