Казанда Сульяк Болак урамы буенча транспорт хәрәкәте вакытлыча ябыла

Хәрәкәттә чикләүләр кабель канализациясе төзелеше белән бәйле.

(Казан, 28 март, “Татар-информ”). 29 марттан 12 апрельгә кадәр Сульяк Болак урамындагы 20нче йорт янындагы мәйдан транспорт хәрәкәте өчен вакытлыча ябыла. Бу хакта Казан мэриясе матбугат хезмәте хәбәр итә.

Тышкы төзекләндерү комитеты хәбәр итүенчә, хәрәкәттә чикләүләр әлеге урында кабель канализациясе төзелеше белән бәйле.

Машина йөртүчеләргә вакытлыча куелган юл билгеләренә игътибарлы булу сорала.