Мамадыш спирт заводының чүпрә цехында модернизация үткәреләчәк

Бүгенге көндә предприятиедә 226 кеше эшли.

(Казан, 28 февраль, «Татар-информ»). Быел «Татспиртпром» җәмгыятенең «Мамадыш спирт заводы» филиалында чүпрә цехын яңарту планлаштырылган.

Хисап елында филиал 15 миллион сумнан артык салым түләгән. 715 миллион сумлык продукция тәшкил итте, 739 миллион сумлык товар сатылган. Бу узган ел белән чагыштырганда 107 процент һәм 116 процент тәшкил итә. Бу турыда «Нократ» газетасы хәбәр итә.

Бу предприятиенең тарихын династияләр «яза», алар хезмәт итә һәм үзләрен яраткан эшләренә багышлый. Бүгенге көндә биредә 226 кеше эшли. Уртача хезмәт хакы 38 мең сум тәшкил итә.