Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркия вәкилләре Түбән Камадагы веломузейда булды
Биредә Швейцария хәрби велосипеды, Германия, Рига модельләре, легендар «Салют», Кытай рикшасы кебек экспонатлар да бар.
(Түбән Кама, 28 гыйнвар, «Татар-информ»). Төркия вәкилләре эш сәфәре барышында Түбән Каманың «Велики» паркында булды һәм биредә урнашкан веломузейны карады, дип хәбәр итә Түбән Кама муниципаль районы рәсми сайты.
Музейда күп кенә элеккеге экспонатлар бар: Швейцария хәрби велосипеды, Германия, Рига модельләре, берничә легендар «Салют», зур алгы тәгәрмәчле цирк транспорты һәм хәтта Кытай рикшасы.
Кунаклар Төркия модельләрен күрүләренә дә бик сөенделәр: бу — Ливерпульда сиксәненче елларда уйлап табылган легендар Cougar моделе. Аны алдагы килешү кысаларында Мармарис вәкилләре бүләк иткән булган.
Төркия кунакларын 8,4 см озынлыктагы велосипед та хәйран калдырды. Экспонат Гиннесның Рекордлар китабына кертелгән.
Кунаклар белән юл хәрәкәтенең яшь инспекторлары да аралашты. Алар иң нәниләргә велосипедта йөрү кагыйдәләрен өйрәнергә булыша. Түбәнкамалылар кунаклардан аларда велосипедчыларга юл хәрәкәте кагыйдәләрен өйрәнү өчен аерым парк булу-булмавы, балаларга мондый кагыйдәләр өйрәтелү-өйрәтелмәве белән кызыксынды.
Мармарис мэры Мехмет Октай аларда да мондый парк булуын әйтте, әмма ул Түбән Камадагы кебек зур түгел икән, аларда да шулай ук балаларны юл хәрәкәте кагыйдәләренә өйрәтүләрен дә раслады, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз