Урамда - буран, юлларда бозлавык дип кисәтә метеорологлар

Көньяк-көнбатыштан исүче җилнең тизлеге секундына 15-19 метрга кадәр көчәергә мөмкин.

(Казан, 27 ноябрь, "Татар-информ"). Татарстан Гидрометеорология һәм әйләнә-тирә мохитне күзәтү идарәсе киләсе тәүлектә һава торышы шартлары начарлануы турында хәбәр итә.

28 ноябрьдә көндез һәм 29 ноябрьдә иртән Татарстанның кайбер районнарда буран чыгарга, көньяк-көнбатыштан исүче җилнең тизлеге секундына 15-19 метрга кадәр көчәергә мөмкин, дип кисәтә синоптиклар. Юлларда бозлавык саклана.