Волонтерлар мөслимлеләрне грипп белән көрәшергә өйрәтте

“Мизгел” яшьләр үзәге бу атнада “Бергә гриппка каршы” дип исемләнгән акция оештырды.

(Мөслим, 27 август, "Татар-информ", "Авыл утлары"). Аның кысаларында үзәк белгечләре, волонтерлык хәрәкәте егет-кызлары, Мөслим урамнарына чыгып, листовкалар таратты, грипп белән көрәшү турында сөйләде, - дип яза җирле басма. 

Тагын бер акция – Россия дәүләт флагы көненә багышланган иде. Аның кысаларында да Мөслим активистлары урамда очраган һәр кешегә бәйрәм символикасы өләште, илебез флагы белән фотога төште.