Әлмәттә Кемеровода һәлак булганнарны искә алдылар

Шәһәр халкы Ленин мәйданындагы мемориалга чәчәкләр һәм йомшак уенчыклар алып килде, шәмнәр яндырды.

(Казан, 27 март, “Татар-информ”). Әлмәтлеләр шәһәрнең Ленин мәйданына җыелып, Кемеровода һәлак булганнарны искә алды. Бу хакта Әлмәт районы хакимияте башлыгы матбугат хезмәте хәбәр итә.

Әлмәт халкы Кемероводагы “Зимняя вишня” сәүдә-күңел ачу үзәгендә һәлак булганнарны искә алып, Ленин мәйданындагы стихияле мемориалга чәчәкләр һәм йомшак уенчыклар алып килде. Биредә өлкәннәр дә, балалар да катнашты.