27 мартның төп вакыйгалары - фото һәм сылтамалар

Казанда Кемеровода һәлак булганнарны искә алдылар, мәдәният учреждениеләренә 200 миллион сумнан артык Президент гранты бирелде.

Казанда “Зимняя вишня” сәүдә-күңел ачу үзәгендә һәлак булганнарны искә алдылар  / 25 март көнне Кемероводагы “Зимняя вишня” сәүдә комплексында чыккан янгында 64 кешенең гомере өзелде. 

Казан мәчетләрендә Кемерово фаҗигасендә һәлак булганнар рухына дога кылалар / Мәчетләрдә Аллаһтан иминлек, фаҗигаләрнең бүтән кабатланмавын сорыйлар, ди Галиев мәчете имам-хатыйбы.

Минтимер Шәймиев Төркиянең Генераль консулы Әхмәт Садыйк Доган белән очрашты / Казанда Төркия консуллыгында һәрвакыт талантлы шәхесләр, тәҗрибәле илчеләр эшләде, диде М.Шәймиев.

Татарстан мәдәният учреждениеләренә 200 миллион сумнан артык Президент гранты бирелде / Шушы көннәрдә “2018 елда мәдәният, сәнгать һәм кинематография өлкәсендәге Татарстан Президенты грантлары бирү турында” указ имзаланган.

Быел Татарстан игенчеләре зуррак табыш китерә торган культуралар үстерәчәк / Республика буенча 60 мең гектарга рапс чәчәргә уйлыйбыз, ди авыл хуҗалыгы министры урынбасары.

Чаллы театры актрисасы Гөлинә Минһаҗева - театр премиясенең быелгы беренче лауреаты / «Татар-информ» мәгълүмат агентлыгы күпсанлы сораулар буенча кичәне онлайн күрсәтә.

Казанның Бауман урамында Кемерово шәһәрендә һәлак булучыларны искә алдылар / Кичке сәгать 7дә Бауманда йөзләрчә кеше җыелды.

Татарстанның дүрт районында машина-трактор паркы язгы чәчүгә әзер түгел / Апас, Югары Ослан, Мамадыш, Кукмара районнары язгы чәчү кампаниясенә техникаларны әзерләп бетермәгән.