Татарстанда автобуслар һәм йөк автомобильләре өчен юллар ачылды

Кичә кич буран аркасында республиканың төп трассалары ябылган иде.

(Казан, 27 февраль, «Татар-информ»). Татарстанда автобуслар һәм йөк автомобильләре хәрәкәте өчен трассаларны ачтылар.

«Волго-Вятскуправтодор» федераль казна учреждениесенең матбугат хезмәте хәбәр иткәнчә, кичә буран аркасында ябылган республиканың төп автомагистральләрендә хәзер хәрәкәт итү өчен бернинди тоткарлык юк. Трассалар бүген 4.30 сәгатьтә ачылды.

«Татар-информ» агентлыгы кичә Татарстанда буран аркасында йөк автомобильләре һәм автобуслар өчен юлларның ябылуы хакында хәбәр иткән иде.