Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Каманың 45нче яшьләр китапханәсендә әдәби очрашу үтте
Гөләндәм Галиеваның язу стиле халыкчан гадилеге, эчке җылылыгы, ихласлыгы белән аерылып тора.
(Казан, 27 гыйнвар, «Татар-информ»). Түбән Каманың 45нче яшьләр китапханәсе хезмәткәрләре 7нче мәктәпнең югары сыйныф укучыларына «Кама таңнары» әдәби берләшмәсе әгъзасы Гөләндәм Галиева белән очрашу уздырды. Очрашу укучыларны язучының иҗаты белән таныштыруны күздә тотып оештырылган иде. Бу турыда Түбән Кама муниципаль районы рәсми сайтында хәбәр ителә.
Кичә авторның шигъри юллары белән башланып китте. Укучылар шагыйрәнең тормыш һәм иҗат юлы белән таныштылар, шигырьләрен сәнгатьле итеп яттан сөйләделәр. Гөләндәм Галиеваның язу стиле халыкчан гадилеге, эчке җылылыгы, ихласлыгы белән аерылып тора. Аның иҗатына туган җиргә мәхәббәт, дөнья иминлеге, телебезгә, хезмәткә, өлкәннәргә, кешеләргә ихтирам һәм тирән моң сеңгән.
Очрашу бик кызыклы һәм матур булды. Гөләндәм Исрафил кызы үзенең балачагы, олы тормыш юлына аяк басуы, беренче тапкыр каләм тотуы турында да бик кызыклы итеп сөйләп бирде, кайчак шаярткалап, укучыларның күңелен дә күтәрде, уеннар уйнатты.
Шул ук вакытта укучыларның бик талантлы булуларына сокланды, сорауларына җавап кайтарды. Татар теленең киләчәгенә кагылышлы сорауларга җавап ишеткәндә, укучылар үзләренең киләчәк өчен җаваплы буын вәкилләре булуларына инанып утырдылар. Үз телен, гореф-гадәтләрен саклап яшәгән милләт югалып калмаячак.
Чара барышында ТАССРның 100 еллыгына багышлап, тарихтагы истәлекле вакыйгалар һәм танылган шәхесләр хакында сөйләп уздык, туган җир, республикабызга багышланган бик матур шигырьләр, җырлар яңгырады.
Кичә азагында Гөләндәм Галиева укучыларыбызга шулай ук уңышлар теләде, истәлекле бүләкләр таратты, рәхмәтләрен җиткерде, — диде 45нче китапханә хезмәткәре Руфия Медетова.
Кызыклы яңалыкларны күзәтеп бару өчен Телеграм-каналга язылыгыз