Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда наркотикка бәйле 500 кеше түләүсез психологик һәм юридик ярдәм алды
Ярдәм программасын 15 гыйнварда Татарстан Хөкүмәте булышлыгы белән республика ресоциализация фонды башлап җибәрде.
(Казан, 26 ноябрь, «Татар-информ», Эвелина Киселёва). Ел башыннан бирле наркология авырулары өчен түләүсез юридик һәм психологик ярдәмне Татарстанның 500гә якын кешесе алды. Бу хакта «Татар-информ»га республиканың Сәламәтлек саклау министрлыгының матбугат хезмәтендә сөйләделәр.
«Ел башыннан 500гә якын кеше консультация алды», - диделәр ведомствода.
Бу проектны 15 гыйнварда Татарстан Хөкүмәте ярдәме белән ТР ресоциализация фонды башлап җибәрде. Программа бәйлелектән дәваланучы һәм ресоциализацияләнергә - наркотиклар һәм алкогольсез тормышка кайтырга планлаштыручы алкоголь һәм наркотикларга бәйле кешеләр өчен яхшы шартлар тудырырга ярдәм итә.
Сәламәтлек саклау министрлыгының матбугат хезмәтендә мондый һәрьяклы ярдәм яңадан яши башлаган кешеләргә рецидивлардан котылырга ярдәм иткәнлеген искәрттеләр.
Казанда чәршәмбе һәм җомга көннәрендә Сеченов ур., 19 йорт адресы буенча 11дән 15 сәгатькә кадәр наркотикларга бәйлеләргә түләүсез юридик һәм психологик ярдәм алырга мөмкин. Язылу өчен телефон номер: 8 (843) 212-43-88.
Татарстан ресоциализация фонды яңадан тормыш башларга, эшкә урнашырга һәм дуслар табарга ярдәм итә, ул 2017 елдан бирле гамәлдә.
Кызыклы яңалыкларны күзәтеп бару өчен Телеграм-каналга язылыгыз