Җәмгыять 26 ноябрь 2020 16:06

Татарстанда медицина ярдәме буенча кайнар элемтәгә 166 тапкыр мөрәҗәгать иткәннәр

Кайнар элемтә 17 ноябрьдә эшли башлады.

Скопировать ссылку

(Казан, 26 ноябрь, «Татар-информ»). Татарстанда медицина ярдәме мәсьәләләре буенча кайнар элемтәгә 166 тапкыр мөрәҗәгать иткәннәр. Бу хакта «Татар-информ»га ТР прокурорының өлкән ярдәмчесе Руслан Галиев сөйләде.

Искәртеп узабыз, элегрәк агентлык 17 ноябрьдән Татарстан прокуратурасында медицина ярдәме, шулай ук кеше тормышы өчен мөһим дарулар, вируска каршы препаратлар һәм шәхси саклану чаралары белән тәэмин итү мәсьәләләре буенча кайнар элемтә эшли башлаганын хәбәр иткән иде.

Шул вакыттан 166 мөрәҗәгать кабул ителгән, алар теркәлгән һәм карарга, тикшерергә җибәрелгән.

Кызыксындырган сорауларны түбәндәге телефоннар буенча бирергә мөмкин:

(843) 291-19-25 — гражданнар мөрәҗәгатьләрен кабул итү төркеме, эш көннәрендә 9.00 дән 18.00 гә кадәр эшли.

(843) 291-18-22 — элемтәдә Стебо Артем Анатольевич, шулай ук эш көннәрендә 9.00 дән 18.00 гә кадәр шалтыратулар кабул итә.

(843) 291-18-81 — кизү прокурор, эш көннәрендә 18.00 дән 9.00 гә кадәр һәм эш көне булмаган көннәрдә дә шалтыратырга мөмкин.

Сәхифәләр

Татарстанда медицина ярдәме буенча кайнар элемтәгә 166 тапкыр мөрәҗәгать иткәннәр