Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда Яңа ел чыршылары урнаштыра башладылар
Чыршылар Азатлык мәйданында, Сидоровка бистәсендә, Мәләкәс аръягында, Картон-кәгазь комбинаты районында, Шишкин бульварында һәм Җиңү паркында урнаштырылачак.
(Чаллы, 26 ноябрь, «Татар-информ», Эльвира Мөхәммәтдинова ). Чаллыда Яңа ел чыршылары урнаштыра башладылар. Бу хакта Башкарма комитетта хәбәр иттеләр.
Быел алты бәйрәм мәйданчыгы җиһазландырылачак. Шәһәрнең төп чыршысы Азатлык мәйданында үз традицион урынын алачак, биредә каркас монтажланган — аны чыршы ботаклары белән тулыландыру бара.
Башка чыршылар Сидоровка бистәсе паркында, Мәләкәс аръягы, Картон-кәгазь комбинаты районында, Шишкин бульварында һәм Җиңү паркында урнаштырылачак. «Энергетик» мәдәният йорты янында икенче ел рәттән инде чыршы куелмый.
Хәзер чыршыларны бизәү эшләре бара, мәйданчыклар бәйрәм персонажлары фигуралары белән бизәлә, шугалаклар ясыйлар.
Элегрәк «Татар-информ» Чаллы шәһәре мэры Наил Мәһдиевнең коронавирус инфекциясе пандемиясе белән бәйле рәвештә яңа ел күңел ачуларын минимальләштерергә тәкъдим иткәнлеген хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз