Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлки районының Түбән Биктимер авылында парк барлыкка киләчәк
400 кв метр мәйданлы территориядә уен мәйданчыгы төзиләр һәм агачлар утыртачаклар.
(Казан, 26 октябрь, «Татар-информ»). Әлки районында, Түбән Биктимер авылы үзәгендә парк барлыкка киләчәк. Торак пунктта яшәүчеләр гражданар җыенында шундый үтенеч белән чыгыш ясаган. Бу хакта «Алькеевские вести» газетасы хәбәр итә.
Шушы көннәрдә 400 кв. метр мәйданлы территорияне металл койма белән әйләндереп алганнар, монда куаклар киселгән, чүп-чар җыелган.
Базарлы Матак авыл җирлеге Башкарма комитеты җитәкчесе Фаяз Фәттахов сөйләвенчә, паркның үзәгендә Бөек Ватан сугышында һәлак булганнар истәлегенә һәйкәл, балалар өчен уен мәйданчыгы төзеләчәк, агачлар утыртылачак.
«Паркның авыл халкының ял итү өчен яраткан урынына әверелүен телим», — диде ул.
Элегрәк хәбәр ителгәнчә, Питрәч районының Шәле һәм Богородское авылларында «Заманча шәһәр мохитен формалаштыру» проекты буенча парклар төзелеше төгәлләнеп килә.
Кызыклы яңалыкларны күзәтеп бару өчен Телеграм-каналга язылыгыз