Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Буа районында балалар спорт-уен мәйданчыгы төзеделәр
Универсаль объектны Буа якташлык җәмгыяте инициативасы белән төзеделәр.
(Казан, 26 октябрь, «Татар-информ»). Буа районының Исаково авыл җирлегендә балалар өчен яңа универсаль мәйданчык барлыкка килде. Бу хакта Буа районы матбугат хезмәте хәбәр итә.
Уен һәм спорт җиһазлары булган объект Буа якташлык җәмгыяте инициативасы белән төзелгән. Биредә балалар ясалма газонлы мәйданчыкта футбол белән шөгыльләнә, таганда атына алачак. Шулай ук башка спорт һәм уен җиһазлары да бар.
«Мәйданчык универсаль, ел дәвамында авыл балаларының һәм яшьләренең актив ялын оештырырга мөмкинлек бирә», диелгән хәбәрдә.
Мәйданчыкта ял итү, физик күнегүләр һәм җәйге вакытта ачык һавада спорт чараларын уздыру өчен бар да көйләнгән. Кышын балалар биредә кар сыннары, боз таучыклары төзү белән шөгыльләнә алачак.
Кызыклы яңалыкларны күзәтеп бару өчен Телеграм-каналга язылыгыз