26 октябрьнең төп вакыйгалары - фото һәм сылтамалар

Дәүләт Советының 33 утырышында татар телен укыту мәсьәләсе каралды, активистлар Дәүләт Советы каршында "Туган телне башкарды.

Рөстәм Миңнеханов татар телен өйрәнү турында: Мәсьәләне сәясәтләштерергә кирәкми/ Президент Татарстанда дәүләт телләрен өйрәнү мәсьәләсендә Россия Мәгариф һәм фән министрлыгы белән тыгыз эш алып барылуын билгеләп үтте.

Фәрит Мөхәммәтшин: Татарстан мәктәпләрдә татар телен мәҗбүри укытуны таләп итәчәк/ "Татарстанда барлык телләр дә тигез хокуклы", – дип белдерде республика Дәүләт Советы рәисе. 

Илшат Әминов, татар телен яклаучыларга кушылып, "Туган тел"не башкарды/ Активистлар депутатларны татар телен дәүләт теле буларак сакларга өнди.

Радик Юльякшин: Артистлар җырлар аша туган телгә кызыксыну уятырга тиеш/ "Сәхнәгә әниләр менеп, балалары безнең җырлар аша туган тел белән кызыксына башлауларын әйткәч, мин шатлык һәм горурлык хисе кичерәм", - ди артист.

Искәндәр Гыйләҗев: БДИның хәзерге формасы - коточкыч зур хата/ Бу бүгенге көндә мәктәпне, гомуми белемне үтерә торган бер күренеш, ди галим.

Татарстанда хәрби хезмәткә көзге чакырылыш уңаеннан ачык ишекләр көне узды/ Армиягә җыенучы егетләрнең әти-әниләре Хәрби җыелу пунктының эшчәнлеге белән таныша алды.

Мәгариф министрлыгы балалар бакчаларында абонент түләвеннән баш тарту вариантын караячак/ Татарстан Дәүләт Советы депутаты Артем Прокофьев министрлыкка балалар бакчаларында баланың бакчага йөргән вакыты өчен генә түләргә тәкъдим итә.