Россия халкы торт һәм пирожныйларны күбрәк ашый башлаган

Агымдагы елның июнендә татлы ризыкларны куллану күләме бер кешегә елына 2 килограммга җиткән.

(Казан, 26 август, «Татар-информ»). Россия халкы торт һәм пирожныйларны күбрәк ашый башлаган. Кондитер базарын тикшерү үзәге белгечләре шундый нәтиҗәгә килгән, дип яза «Известия».

Мисал өчен, агымдагы елның июнендә татлы ризыкларны куллану күләме бер кешегә елына 2 килограммга җиткән. Өстәвенә, соңгы ике ел дәвамында Россиядә мондый ризыкларны куллану кимегән булган.

Хәбәрдә билгеләп үтелгәнчә, башка кондитер ризыклары арасында нәкъ менә тортлар һәм пирожныйлар кыйммәтләнгән. 2017 елның июнендә аларның бәясе, 2016 елның шул ае белән чагыштырганда, 5 процентка арткан.