Казанда Универсиадада югары дәрәҗәдәге белемгә ия 153 тәрҗемәче эшләячәк

2013 нче елгы Җәйге Универсиада тәрҗемәчесе – Россиянең тәрҗемәләр буенча әйдәп баручы агентлыгы “ТрансЛинк” ҖЧҖ.

(Казан, 26 июнь, “Татар-информ”). XXVII Бөтендөнья җәйге Универсиадада 162 илдән 10 меңнән артык кеше катнашачак. Спорчыларга бер-берсе белән аңлашырга телдән эзлекле төстә тәрҗемә итүче 100 һәм дәүләт башлыклары белән эшләүче 12 синхрон тәрҗемә белгече ярдәмгә киләчәк. Шулай итеп, Бөтендөнья студент уеннарында барлыгы 153 тәрҗемәче эшләр, дип ниятләнә. Бу хакта “Казан 2013” Башкарма дирекциясенең Медиа департаменты хәбәр итә.
Универсиадада аралашу инглиз, FISUның рәсми теле буларак француз, кабул итүче ил телләре буларак рус һәм татар телләрендә булачак. Кайбер очракларда делегация башлыкларын озатып йөрү барышында испан теленә тәрҗемә дә каралган.
Бүгенге көндә күләмле эш башкарылган: 50 гә якын кеше көн саен Универсиаданың барлык документациясен, веб-сайтның яңалыклар тасмасын язмача тәрҗемә кыла.
Иң катгый күпбаскычлы сайлау юлы аша узган тәрҗемәчеләрнең 80 процентының Казаннан булуын билгеләп узу кирәк. Универсиадада тәрҗемәче вазифаларын башкарырга шулай ук Россиянең башка шәһәрләреннән, Франция, Испания, Алмания һәм АКШ тан белгечләр киләчәк.
Тәрҗемәчеләрнең зур өлеше – 30 яшькә кадәрге егетләр һәм кызлар. Әмма чыгыш ясаучының нотыгы белән беррәттән тәрҗемә кылучы иң тәҗрибәле белгечләр, үзләренең һөнәри юлларын 1980 нче елда Мәскәүдә Җәйге Олимпия уеннарыннан башлаган.
2013 нче елгы Җәйге Универсиада тәрҗемәчесе – Россиянең тәрҗемәләр буенча әйдәп баручы агентлыгы “ТрансЛинк” ҖЧҖ.