Лаеш районы башлыгы Александр Тимофеев вәкаләтләрен вакытыннан алда туктатты

Лаеш муниципаль районы башкарма комитеты җитәкчесе вазыйфаларын башкару Михаил Афанасьевка йөкләнде

(Казан, 26 июнь, “Татар-информ”). Бүген Лаеш муниципаль районының чираттан тыш 68 нче сессиясе узды. Анда Лаеш муниципаль районы башлыгы Александр Тимофеев вәкаләтләрен вакытыннан алда туктату мәсьәләсен карады.

Сессиядә ТР Дәүләт Советы Рәисе Фәрит Мөхәммәтшин катнашты.

Утырышта депутатлар шулай ук Лаеш муниципаль районы башкарма комитеты җитәкчесе Марс Вәлиевнең вәкаләтләрен вакытыннан алда туктату турындагы мәсьәләне дә карады. Лаеш муниципаль районы башкарма комитеты җитәкчесе вазыйфаларын башкару Михаил Афанасьевка йөкләнде. Бу хакта ТР Дәүләт Советы матбугат хезмәте хәбәр итә.