Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай янгын сүндерүчесен лаеклы ялга су сиптереп озаттылар
Борис Ихтонов хезмәт буенча үгет-нәсихәтләрен бирде, яшьләргә эшләрендә уңышлар, көндәлек эштә үзара ярдәмләшеп эшләргә, дигән теләкләрен җиткерде.
(Аксубай, 26 гыйнвар, «Татар-информ», «Авыл таңнары»). Аксубайның 102нче янгын сүндерү һәм коткару часте коллективы караул җитәкчесе Борис Ихтоновны лаеклы ялга тантаналы рәвештә һәм коткаручылар традицияләренә таянып озатты.
Борис Александрович янгын сүндерү һәм коткару частендә 20 елдан артык фидакарь хезмәт куйган, 1000нән артык чакыруга чыккан.
102нче янгын сүндерү һәм коткару часте җитәкчесе Руслан Ибляминов тантана сәбәпчесенә күпьеллык хезмәте өчен рәхмәт сүзләре белән мөрәҗәгать итте.
Янгын сүндерүче һәм коткаручының хәрби киеменнән булган көн героен, данлы традиция буенча, янгын сүндерү машинасы җиңсәсеннән су сиптереп котладылар.
Традиция буенча ветеран өчен махсус техника сиреналарының соңгы хәвеф сигналы яңгырады. Бу — хезмәт еллары дәвамында җыелган корымны символик юу. Хәрби киемне кизү тору вакытында һәм аннан соң юмыйлар — бу начар билге санала. Лаеклы ялга чыкканда мондый тантана — гомерләрен янгын сагына багышлаган кешеләр өчен мөһим ритуал.
Борис Ихтонов хезмәт буенча үгет-нәсихәтләрен бирде, яшьләргә эшләрендә уңышлар, көндәлек эштә үзара ярдәмләшеп эшләргә, дигән теләкләрен җиткерде. Ул бу еллар эчендә хезмәттәшләренең аның өчен ышанычлы тылга әверелгәне турында да әйтте.
Хезмәттәшләре командирны кулларына күтәреп алып, һавага чөйде. Бу тагын бер күркәм традиция — хезмәт иткән еллар өчен ихтирам билгесе һәм һәр коллектив әгъзасының ветеранның ышанычлы кеше булганы өчен рәхмәт белдерүе.
Кызыклы яңалыкларны күзәтеп бару өчен Телеграм-каналга язылыгыз