Чирмешән районында 33 гаилә балалары бакчага бушлай йөри

Әгәр гаиләдә җан башына керем яшәү минимумыннан (бүген ул республикада 9295 сум тәшкил итә) түбәнрәк булса, бакчага йөргән балалар өчен түләнгән акча тулысынча кире кайтарыла.

(Чирмешән, 26 гыйнвар, «Татар-информ», «Безнең Чирмешән», Кадрия Гамирова). Чирмешән районында 33 гаилә балалары бакчага бушлай йөри. Бу турыда район басмасы хәбәр итә.

Агымдагы ел башыннан өч һәм аннан күбрәк балалы гаилә балалары балалар бакчасына бушлай йөри ала. Әгәр гаиләдә җан башына керем яшәү минимумыннан (бүген ул республикада 9295 сум тәшкил итә) түбәнрәк булса, бакчага йөргән балалар өчен түләнгән акча тулысынча кире кайтарыла.

Районда күп балалы 250 гаилә исәпләнә, шуларның 33се әлеге категориягә эләгә.