Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Аэрофлот»та Европага очышларның кайчан яңадан башланачагын фаразладылар
Коронавирус пандемиясе башлангач, кайбер рейсларны исәпкә алмаганда, Россия халыкара авиаэлемтәне туктатты.
(Казан, 25 октябрь, «Татар-информ»). «Аэрофлот» генераль директоры Виталий Савельев компания Европага рейсларны кыш ахырында яңадан башлар дип өметләнә. «Россия 1» телеканалы эфирында ул шулай дип белдерде. Бу хакта РИА Новости агентлыгы хәбәр итә.
«Кыш ахырында, февраль-март айларында рейслар санын арттырырбыз һәм безнең самолетларга Европа илләре буйлап очарга мөмкинлек бирерләр дип өметләнәм һәм моның шулай булуын телим», - диде ул.
Савельев фикеренчә, бүген Россиядә кабат карантин кертелмәячәк, чөнки ул икътисадка тискәре йогынты ясаячак.
Коронавирус пандемиясе башлангач, кайбер рейсларны исәпкә алмаганда, Россия халыкара авиаэлемтәне туктатты. Җәй айларыннан Бөекбритания, Швейцария, Төркия, Берләшкән Гарәп Әмирлекләре, Көньяк Корея һ.б. кайбер илләргә рейслар яңадан башланды. 1 ноябрьдән Япониягә дә рейслар ачылачак.
Кызыклы яңалыкларны күзәтеп бару өчен Телеграм-каналга язылыгыз