Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Минзәләдә скверны төзекләндерү эшләрен тәмамлыйлар
«Школьный» скверы «Уңайлы шәһәр мохитен формалаштыру» федераль программасы буенча төзекләндерелә.
(Минзәлә, 24 октябрь, «Татар-информ», «Минзәлә-информ», Флүрә Мусина). Минзәлә районы Башкарма комитеты җитәкчесе Камил Нәҗмиев җаваплы оешмалар җитәкчеләре катнашында капремонт барган мөһим социаль объектлардагы эш барышы белән танышуын «Школьный» скверыннан башлады. Бу турыда район басмасы хәбәр итә.
«Школьный» скверы «Уңайлы шәһәр мохитен формалаштыру» федераль программасы буенча төзекләндерелә.
Скверда яктырткычлар урнаштыру эше төгәлләнгән, иң түрдә амфитеатр ясап куелган, эскәмияләр урнаштырылган. Яшелләндерү буенча күп эш башкарылган.
Сквер төрле функциональ зоналарга бүленгән. Анда яшел зона да, ял итү зонасы да, җәяүлеләр зонасы да булачак. Хәзер биредә шушы зоналарда эшләр бара. Бер төркем эшчеләр декоратив навес, сукмаклар ясау белән мәшгуль.
«Территорияне тәртипкә китереп, җыештырып чыгарга кирәк, киләсе атнада чәршәмбе өмә үткәрергә планлаштырабыз», — диде шәһәр башкарма комитеты җитәкчесе Рамил Ягафаров.
Подрядчы оешма җитәкчелегенә «сыйфатлы башкарылсын, эш темпын арттырырга» дип сыйфатка игътибар юнәлтергә кирәклеге искәртелде. Объектта эшләрне тизләтеп, бер атна эчендә төгәлләү бурычы йөкләнде.
Кызыклы яңалыкларны күзәтеп бару өчен Телеграм-каналга язылыгыз