Казанда өч атнага Красноуральская урамында хәрәкәт туктатыла

24 октябрьдән 14 ноябрьгә кадәр Оренбург тракты буенча 42 нче йорт яныннан узу кыенлаша.

(Казан, 24 октябрь, "Татар-информ"). Казанда өч атнага Оренбург тракты буенча 42 нче йорт яныннан Красноуральская урамын яптылар. Бу хакта шәһәр мэриясенең рәсми порталы хәбәр итә.

Әлеге урамда 24 октябрьдән 14 ноябрьгә кадәр узу кыенлаша. Бу Красноуральская урамында суүткәргеч салу һәм канализация монтажлау белән бәйле.

Машина йөртүчеләргә вакытлыча куелган юл билгеләре таләпләрен саклап, уңайлырак булган башка юнәлешне сайлау киңәш ителә.