Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Бала хокуклары буенча вәкаләтле вәкил вазифасына Ирина Волынец билгеләнде
Әсгать Сәфәров әйтүенчә, Ирина Волынецның күп балалы ана булуы, бала хокукларын яклауга омтылышы аңа уңышлы эшләргә нигез булачак.
(Казан, 24 сентябрь, «Татар-информ», Гөлнар Гарифуллина). Татарстанда Бала хокуклары буенча вәкаләтле вәкил вазифасына Ирина Волынец билгеләнде. Бүген алтынчы чакырылыш ТР Дәүләт Советының унбишенче утырышында депутатлар аның кандидатурасын хуплады.
Татарстан Президенты Аппараты җитәкчесе Әсгать Сәфәров әлеге институт ун ел элек барлыкка килеп, үзен ышанычлы механизм итеп аклаганын әйтте. «Ирина Волынецның күп балалы ана булуы, бала хокукларын яклауга омтылышы аңа уңышлы эшләргә нигез булыр», — диде Әсгать Сәфәров.
Парламентның Социаль сәясәт комитеты рәисе Светлана Захарова Ирина Волынец кандидатурасы комитет утырышында каралганын һәм депутатларның аны хуплаганын билгеләп узды.
«Бала хокуклары һәм мәнфәгатьләрен үтәргә, үз вазифаларымны намус белән башкарырга ант бирәм», — диде Ирина Волынец.
Балалар омбудсменына ике дәүләт телен белү һәм укыту турында сораулар бирелде. Ул бала чагында татарча сөйләшкәнен, үз улы да татар теле дәресен яратканын әйтте.
Ирина Волынец — «Милли ата-аналар комитеты» төбәкара иҗтимагый хәрәкәте рәисе, Россия Президенты каршындагы Бала хокуклары буенча вәкаләтле вәкил каршындагы иҗтимагый совет әгъзасы һәм Россия Иҗтимагый палатасы әгъзасы.
Кызыклы яңалыкларны күзәтеп бару өчен Телеграм-каналга язылыгыз