Белгеч Россиядә COVID-19 белән авыручылар саны җәен кимер дип фаразлый

Әгәр кешеләр профилактика чараларын үтәсә һәм прививка ясатса, чир йоктыручылар артмаячак, диде эпидемиолог.

(Казан, 24 май, «Татар-информ»). Россиядә коронавирус белән авыручылар саны кими, көн саен чир йоктыручылар саны — ул эпидемия процессы чагылышы. Җәен чир йоктыручылар саны кимергә мөмкин. Бу турыда РИА Новости хәбәр итә.

«Россиядә хәзер авыручылар саны кимү стадиясендә, ул берникадәр тотрыклы, ә теге яки бу якка тирбәнешләр — эпидпроцессның законлы чагылышы», — диде журналистларга Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Эпидемиология үзәк фәнни -тикшеренү институты директорының фәнни эшләр буенча урынбасары, Россия Фәннәр академиясенең әгъза-мөхбире Александр Горелов.

Җәен авыручылар саны һәрвакыт кими. Әгәр кешеләр профилактика чараларын үтәсә һәм прививка ясатса, чир йоктыручылар артмаячак, диде белгеч.

«Җәен җиңеллек килер дип өметләнәбез, әмма авыру йоктыручылар бетәр дип әйтеп булмый, чөнки вакцинация темпы әлегә начар бара», — диде Александр Горелов.