Казан социаль көнкүреш музее Антальядагы Сабантуйда күргәзмә тәкъдим итә

23 июнь көнне Антальяда Мәскәү халыкара мәктәбе стадионында милли татар бәйрәме Сабантуй уза.

(Казан, 23 июнь, «Татар-информ»). Бүген Антальяда Мәскәү халыкара мәктәбе стадионында милли татар бәйрәме Сабантуй узачак. Бәйрәмдә Казанның социаль көнкүреш музее ТАССРга багышланган күргәзмә тәкъдим итәчәк. Кунаклар 200 экспонатны күрә алачак. Бу хакта Бөтендөнья татар конгрессы матбугат хезмәте хәбәр итә.

Сабантуйда Казан, Мәскәү, Истанбул артистлары чыгыш ясаячак, ә Татарстаннан иң яхшы пешекчеләр традицион татар ризыкларын пешерәчәк.

Бәйрәмгә шулай ук Мәскәүдән спортчылар — легендар «Самбо -70» мәктәбен тәмамлаучылар да килә. Алар кунакларны көрәш белән таныштырачаклар.

Сабантуй 14.00 сәгатькә планлаштырылган, дип хәбәр итә Социаль көнкүреш музее.