Балык Бистәсенә икенче партия азык - төлек җыелмасы кайтты

Әлеге ярдәм «Ярдәм янәшә» хәрәкәт кысаларында оештырыла.

(Балык Бистәсе, 23 май, «Татар-информ», «Авыл офыклары», Айзила Закир). Татарстан Президент ярдәме һәм аның инициативасы буенча районның ярдәмгә мохтаҗ булган 629 кешесенә азык-төлек җыелмалары тапшырыла башлады. Бу продуктларның икенче партиясе.

Азык-төлек җыелмалары җан башына уртача керем яшәү минимумыннан түбәнрәк булган гаиләләргә, ялгыз яшәүче өлкәннәргә, шулай ук үзизоляция вакытында зыян күргән үзмәшгуль һәм шәхси эшмәкәр гаиләләрендәге балаларга тапшырылачак. Әлеге ярдәм «Ярдәм янәшә» хәрәкәт кысаларында оештырыла.