Чүпрәледә Донор көне уздырыла

Кан тапшырган өчен 300 сум акча һәм 2 көнлек ял каралган

 (Казан, 23 май, “Татар-информ”). 27-28 майда Чүпрәле районы үзәк хастаханәсендә 9.00-14.00 сәгатьләрдә Донор көне үткәрелә.

 Кан тапшырган өчен 300 сум күләмендә түләү һәм 2 көнлек ял каралган.  

Статистика күрсәткәнчә, ел саен 1,5 миллион авыру россиялегә   донор каны салына. Нигездә, алар -  пешкән яисә төрле дәрәҗәдәге авыр җәрәхәтләнгән, операцияләр кичергән, химиятерапия узган, кан югалткан авырулар, дип хәбәр итә “Туган як” басмасы.