Мөслимдә яшь инспекторлар көрәште

Бәйгедә районыбыз мәктәпләреннән 17 команда катнашты.
(Мөслим, 23 апрель, "Татар-информ", "Авыл утлары"). Габдулла Тукай исемендәге мәктәп базасында “Имин көпчәк” исемле республика конкурсының төбәк бәйгесе үтте, дип яза район газетасы.Әлеге бәйге район юл хәрәкәте иминлеге дәүләт инспекциясе, юл иминлеге дәүләт бюджет учреждениесенең Сарман һәм Мөслим районнары буенча профилактика бүлекчәсе, мәктәптән тыш эшләр үзәге һәм мәгариф идарәсе ярдәме белән үткәрелде.Бәйгедә районыбыз мәктәпләреннән 17 команда катнашты. Алар медицина, агитбригада, юл йөрү кагыйдәләрен белү буенча теория һәм практик төрләрдәге төрләрдә көч сынаштылар. Мәртәбәле жюри бәйге төрләре буенча җиңүчеләрне билгеләде.