Татарстанда муниципальара маршрутларга 308 автобус чыкты

Республика юлларында 183 берәмлек юл техникасы эшли

  (Казан, 23 март, «Татар-информ»). Мониторинг системасы мәгълүматларына караганда, бүген Татарстан буенча муниципальара маршрутларга 308 автобус чыккан.
Республика юлларында 183 берәмлек юл техникасы эшли, шул исәптә төбәк трассаларында – 80, дип хәбәр итә ТР Транспорт һәм юл хуҗалыгы министрлыгы матбугат хезмәте.
Казан аэропортыннан 44 рейс башкарылган, шул исәптә унысы – чартер, 11 е – халыкара. 1710 пассажир һава транспортында сәфәр кылган. Татарстан башкаласына 1546 кеше килгән.