“Татар-информ” мәгълүмат агентлыгында - наркоманиядән дәвалау турында брифинг

ММЧ вәкилләре чакырыла

 (Казан, 23 март, «Татар-информ»). Иртәгә, 24 мартта, 13.00 сәгатьтә“Татар-информ” мәгълүмат агентлыгында "Кайда үлем саталар, хәбәр ит" бөтенроссия акциясенә багышланган матбугат конференциясе уза.

Акция барышында шәһәрлеләр наркоманиядән кайда дәваланып була, дип сорыйлар. Бу хакта Россия Наркотикларның законсыз әйләнеше федераль хезмәтенең ТР буенча идарәсе башлыгы урынбасары Эдуард Гәрәев, ТР Сәламәтлек саклау министрлыгы Республика наркология диспансеры баш табибы урынбасары Степан Криницкий, Шәхси тернәкләндерү программалары үзәге җитәкчесе Александр Федоренко, "Роза ветров" иҗтимагый оешмасы директоры Александр Дмитриев, "Эра" медицина-социаль тернәкләндерү үзәге директоры Эдуард Мөбәракшин җентекләп сөйләргә җыена.

ММЧ вәкилләре pr@tatar-inform.ru. почтасы аша аккредитация уза ала.