Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кытай галимнәре: Уханьдәге базар коронавирус таралу чыганагы булмаган
Экспертлар фикеренчә, инфекция сәүдә мәйданчыгында булган «нульле пациент»тан тарала башлаган.
(Казан, 23 февраль, «Татар-информ»). Covid-2019 коронавирусы ноябрь азагында тарала башлады һәм шуннан соң гына Кытайның Ухань шәһәрендәге базарга эләккән. Кытай фәннәр академиясе каршындагы тропик ботаника бакчасы галимнәре шундый нәтиҗә ясаган. Бу хакта РИА Новости яза.
Экспертлар дүрт континентның 12 иленнән алынган 93 коронавирус үрнәкләренең геном мәгълүматларын тикшергән. Тикшеренү нәтиҗәләре буенча, Уханьдагы базар вирус йоктыруның башлангыч чыганагы булмаган.
«Яңа төр коронавирус „Хуанань“ диңгез продуктлары базарына башка җирдән эләккән, базар эчендә дә һәм аннан читтә дә тиз арада таралган», — диелә галимнәр хәбәрендә.
Инфекция Уханьдәге базарда булган «нульле пациенттан» тарала башлаган. Коронавирус сәүдә мәйданчыгында санитария нормаларын үтәмәү аркасында тарала башлаган.
Белгечләр фикеренчә, инфекция таралуның кимендә өч юлы бар. Аларның бары тик берсе генә Уханьдәге диңгез продуктлары базары белән бәйле.
Кызыклы яңалыкларны күзәтеп бару өчен Телеграм-каналга язылыгыз