47 мөслимле эшсез буларак исәптә тора

Эшсезләр армиясендә исәптә торучылар айга 850 сумнан алып, 4900 сумга кадәр пособие ала.

(Мөслим, 22 октябрь, "Татар-информ", "Авыл утлары"). Бүгенге көндә мәшгульлек үзәгендә 47 мөслимле исәптә тора, дип яза җирле басма.

Күбесе – банк системасы хезмәткәрләре, мәгариф өлкәсендә эшләп кыскартуга эләгүчеләр, башка бюджет оешмалары һәм авыл хуҗалыгы тармагы вәкилләре. Араларында бер елдан артык эшсез ятучылар да бар. Эшсезләр армиясендә исәптә торучылар айга 850 сумнан алып, 4900 сумга кадәр пособие ала.